UK-BNO-immigration-Cost-of-living

英國生活到底貴唔貴? 各地生活成本大公開!

近日英國政府宣布即將為BNO平權,港人終於可以多個機會移民他國逃離香港!但要去英國生活6年,英國嘅生活成本出咗名嘅高,衣食住行,各樣生活費加加埋埋,絕對唔係一個小數目。當你真係選擇喺英國落地生根,就一定要諗清楚你嘅財務負擔能力、同埋選擇邊個地區最優惠實際。跟住落嚟就一齊睇下英國各地嘅生活成本啦~

就英國嘅熱門地區嚟講,相信大部分人最熟悉嘅一定會係倫敦(London)同曼城(Manchester),而鄰近嘅伯明翰(Birmingham)、睇開波實識嘅利物浦(Liverpool)都頗受大眾歡迎,甚至係相對冷門嘅蘇格蘭市中心格拉斯哥(Glasgow)都不乏支持者。以下就以呢幾個城市做下比較啦!


香港有土地問題,英國喺住方面就鬆動好多啦!英國有唔同類型嘅屋,Flat、Terraced House比較常見,因應地區、房型等,租金都會有好大浮動。想再慳啲可以揀劏房 (合租),唔會劏到好似香港咁冇人權,不過就好視乎你嘅室友性格、生活習慣喇。
另外,如果喺英國租屋嘅話,都需要繳交Council Tax,而稅率會因應唔同地區、房產價值有所不同。以下係Bristol地區嘅Council Tax Tax Band一覽:

地區租金
倫敦 (London)視乎面積大細同地區,由£1,000 – 3,000不等。
一般而言喺市中心租間三房單位,約莫£2,500 – 2,800,
市郊地區就大約£1,500 – 2,000左右。
曼徹斯特 (Manchester)以三房單位嚟講,大約需要£1,000 – 1,500左右,視乎離市中心幾遠;
一房單位£700 – 900都有唔錯嘅選擇。
伯明翰 (Birmingham)市中心三房單位約為£1,200 – 1,400,較為近郊嘅單位就£700 – 1,100都可以有交易。
利物浦 (Liverpool)按照地點便利性同房型等有所不同。一房租金由£500 – 700都有,
三房單位由£700 – 1,200不等。
格拉斯哥 (Glasgow)兩房同三房單位一般平均為£500 – 1,500都有,因應地點同房型價錢分野頗大。


喺香港呢個乜都有嘅美食天堂生活多年,以往有好多香港人都表示英國真係冇啖好食,而且出街食仲唔平呀!要平靚正,有唔少人會選擇自己煮,英國常見嘅超市例如Tesco、Sainsbury’s、香港人相當熟悉嘅Mark & Spencer馬莎咁,都有唔少經濟實惠嘅食材可以選購。

食品種類價格 (GBP £)
快餐店 Combo Meal£5 – 6
商業區午餐£13 – 15
中價位餐廳 (3-courses)£40 – 50
薯仔 (1kg)約£1.2
雞胸 (1kg)£6 – 7


英國主要嘅交通工具有地鐵 (Underground)、港人熟悉嘅雙層巴士等,而穿梭於唔同嘅城市之間就可以坐火車。每個城市嘅出行費用不一,以下嘅表格可以俾一個大家作為參考~

地區車費
倫敦 (London)月票可以搭Tube同其他鐵路,每月£138 – 219不等,視乎你來往嘅區域範圍而定。
單程車票由£4.9 (Zone1>2),會有封頂上限(Price Cap),每日大約搭滿£7左右就唔會再收費。
Zone3-6嘅巴士同電車劃一票價£1.5。
單程車費查詢 Price Cap & Travelcards
曼徹斯特
 (Manchester)
主要交通為Metrolink,類近於輕鐵。
單程票價為£1.4 – 3.2,另有一日票、7日月票、28天月票等,以包含所有區嘅28天月票為例,只需£69.6,頗為實惠。
伯明翰
 (Birmingham)
以巴士為主要交通工具,站點極多而且準時。
以West Midlands Network為例,單日多程往返車票£4.8,其他可以搭火車嘅車票由£6.8 – 9.0不等。
利物浦
 (Liverpool)
利物浦嘅主要交通以鐵路同巴士為主,鐵路單程票若莫係£4.1 – 5.5,月票就落喺£56.4 – 114左右;
巴士嘅車票價格因應唔同嘅運營商有所不同,單程票大約係£2.3 – 4.4左右。
格拉斯哥
 (Glasgow)
火車網絡貫通成個蘇格蘭,市內交通以鐵路為主,亦都有渡輪,單程票價大約係£1.5 – 2.9。


衣著係衣食住行裡面最為個人嘅一部分,好多時候都係豐儉由人。歐洲唔少牌子喺英國都會相對比喺香港平,商場裡面亦都有大量選擇。
好多人都會去Primark買衫,貪佢又平、款簡單易襯。H&M、Topshop都係香港人耳熟能詳嘅品牌,喺英國都會不時見到;而唔少香港人十分鍾情嘅Uniqlo就會稍為貴啲喇。

品牌T-shirt牛仔褲外套
Primark£3 – 8£10 – 15£20 – 35
H&M£4 – 15£10 – 25£20 – 40
Topshop£6 – 18£12 – 30£15 – 25
Uniqlo£6 – 13£15 – 35£30 – 40

最近英國政府出台嘅BNO政策令唔少香港人都心動,開始計劃應唔應該移居英國。希望大家喺做好周詳計劃之前,呢篇文章可以作為你哋一個參考,喺決定出唔出發前計下未來嘅budget,千祈唔好失咗預算。

不過,留意返以上嘅生活成本都只不過係約數,每個人嘅消費習慣同口味都不盡相同,所需要嘅生活費都會唔一樣。

資料來源: ExpatistanNumbeoBristol GovZooplaTransport for LondonTransport for Greater ManchesterMegaBusWest Midlands NetworkMerseyrailPrimarkH&MTopshopUniqlo

Share:

Share on facebook
Share on whatsapp
Share on linkedin
Share on twitter
Share on google
Share on telegram
On Key

Related Posts

28/03-03/04 本週出租紀錄

本周英國物業的出租紀錄為位於East Kilbride的一房Flat單位,當地社區設施完善,為蘇格蘭著名的市鎮,吸引了不少居民居住。恭喜黃小姐成功租出樓盤,由確認購買指示至收樓約用了兩個月時間。此樓盤租金回報率為12.6%。

加拿大港人救生艇政策最新攻略!立即報名講座

港區國安法實施以來,加拿大政府特別推出港人優惠政策,公布5年內大學或碩士畢業嘅港人可申請三年工作簽證,工作一年後符合基本要求可以申請永居。呢個救生艇新政策令唔少人都萌生起移民加拿大嘅念頭,但係要點申請工簽?工作一年後申請永居又有咩條件?想知?即刻報名參加我哋嘅講座,仲會有更多移民加拿大嘅資訊大量放送! 講座日期及時間日期: 4月15日 (星期四)時間: 19:30 – 21:30出席方式: 現場出席 / 網上Zoom Meeting 講座內容– 加拿大港人救生艇政策介紹– 聯邦移民及ExpressEntry 簡介– 各省省提名移民計劃申請資格及流程– 留學移民與商業移民等計劃– 問答環節 仲可以睇定我哋嘅專業顧問Kim解說加拿大港人政策先!

澳洲GTI移民計劃最快兩個月得永居 申請資格睇真啲

澳洲GTI優才移民計劃為吸納來自世界各地嘅人才,特別針對以下十數個專業領域嘅科技研究範圍,2020-21年度配額只有15,000個,額滿即止。GTI最快只需2-4個月就可以拎到永久居留身份,可以話係熱門移民國家之中最低成本、而最快拎到永居嘅移民途徑。其實申請GTI有咩申請條件?難度有幾高?關鍵又係咩? 首先睇下申請澳洲GTI計劃嘅基本條件先: 1. 申請者屬於以下17個行業類别嘅專才,從事或者曾經喺碩士或博士學位做過呢啲研究: a. AgTech 農業科技 b. Space and Advanced Manufacturing 太空及先進科技製造 c. FinTech 金融科技 d. Energy and Mining Technology 能源及礦業科技 e. MedTech 醫學科技