fbpx
港人留澳工作及留學簽證獲延長 居留5年後可即拎PR?|澳洲移民|JiaYu

港人留澳工作及留學簽證獲延長 居留5年後可即拎PR?

澳洲政府延長港人嘅臨時工作簽證 (Temporary Skilled Visa) 及畢業生簽證至5年,更聲稱可以喺5年後提供申請永居嘅途徑。聽落好似好簡單,但係澳洲其實對申請永居仍然有一定要求,而針對港人嘅永居計劃細節仍然未出台,5年後係咪真係可以成功移民?似乎仲係未知之數。

如果想經澳洲呢個政策申請到澳洲5年簽證,你有兩個選擇,工作或留學。

工作簽證

澳洲5年工作簽證有幾種?| 家譽移民

臨時工作簽證 (Temporary Skill Shortage Visa, 482 Visa)
482簽證包括及中長期職位。只要你嘅工作資歷及申請職位符合澳洲技術職業列表 (Skilled Occupation List)中,就符合基本申請資格。

簽證類別需符合列表
短期工作簽證職位 (Short-term Stream)STSOL (短期技術職業列表)
中長期工作簽證職位
(Medium-term Stream)
MLTSSL (中長期技術職業列表)
ROL (偏遠地區職業列表)

除咗職業on list之外,當然你仲要符合以下要求:

  1. 滿足英語要求,IELTS 5.0分或以上;
  2. 累積至少兩年工作經驗,部分工種會要求申請者通過職業評估,評估會由你嘅行業相關機構負責。除咗夠工作經驗同埋熟練嘅技術外,以及相關專業資歷或牌照。留意返,喺香港適用嘅工作技能或資歷,澳洲當地認唔認可就係另一個故事喇!
  3. 獲得僱主擔保及提名。聘請你嘅僱主必須獲澳洲當局認可,有擔保資格,而且你嘅僱主亦都肯為你俾擔保費。
澳洲嘅482 Visa,臨時工作簽證只要符合澳洲中長期職業清單 (Skilled Occupation List),就符合基本申請資格。|家譽移民

偏遠地區州擔保技術移民簽證 (Skilled Work Regional (Provisional) Visa, 491 Visa)
491簽證與482簽證嘅申請條件相似,同樣都要滿足英語、工作經驗要求,並獲得僱主擔保及提名。除此之外,仲要喺澳洲指定偏遠地區工作或者學習3年,每年都符合年薪要求 (澳幣$53,900),確保你嘅工種仍然喺緊缺職業名單上,就有機會轉換成191永居簽證。

畢業後想移民留係澳洲?可以從一生只可以申請一次嘅澳洲臨時畢業生簽證開始|家譽移民

畢業生簽證

臨時畢業生簽證 (Temporary Graduate Visa, 485 Visa)
喺澳洲院校就讀兩年或以上嘅全日制大學課程並畢業後,就可以申請485簽證,港人同樣可以喺澳洲逗留5年。申請人必需為50歲以下,一生只可以申請一次,需滿足一定英語要求。當你累積到3年工作經驗後,並且你嘅專業工種仲喺澳洲短缺行業名單裡面,就可以轉186永居簽證。

咁香港人可以喺澳洲留5年,感覺上好似容易咗拎到永居喎!事實又係咪咁美好呢?

香港人雖然可以憑住簽證喺澳洲留5年,但正如我哋喺開頭提及嘅,住5年後申請永居並唔係無條件拎PR,而要符合返原先簽證或永居簽證嘅要求,甚至可能有更多條件仲未公布,批核時間更加係未知之數。

澳洲呢個政策同英國BNO唔同,澳洲對香港人嘅態度係招攬人才,希望你哋對當地經濟及社會有貢獻,而唔會俾你隨隨便便申請PR,條件絕對唔會太過寬鬆,確保每個留低嘅人都係人才。

而且,澳洲每年都會重新檢視及微調移民政策,留喺當地5年嘅風險較高,更何況宜家由於疫情影響,將來變數就更大,你好難確保到你可以安穩咁打住工渡過嚟緊嘅5年。到最後有冇可能只係喺澳洲浪費咗5年光陰?值唔值得去,就要由大家自己評估風險喇。

Share:

Share on facebook
Share on whatsapp
Share on linkedin
Share on twitter
Share on google
Share on telegram
On Key

Related Posts

6-10/09 本週出租紀錄

本周英國物業的出租紀錄為位於East Kilbride的一房Flat單位,當地社區設施完善,為蘇格蘭著名的市鎮,吸引了不少居民居住。恭喜黃小姐成功租出樓盤,由確認購買指示至收樓約用了兩個月時間。此樓盤租金回報率為12.6%。

留學加拿大揀咩學校好?! 各省熱門院校盤點

自加拿大救生艇推出Stream A永居通道以來,有不少港人都希望藉住呢條pathway前往加拿大,皆因留學兩年之後無須工作offer、唔使擔心搵唔到工就可以申請PR,方法簡單、相當便宜,仲可以順便讀多個學位。咁問題嚟啦,揀咩學校好呢? 留學加拿大揀咩學校好?!   各省熱門院校盤點 自加拿大救生艇推出Stream A永居通道以來,有不少港人都希望藉住呢條pathway前往加拿大,皆因留學兩年之後無須工作offer、唔使擔心搵唔到工就可以申請PR,方法簡單、相當便宜,仲可以順便讀多個學位。咁問題嚟啦,揀咩學校好呢? 根據香港人會去嘅熱門省份,我哋整理咗一份推薦嘅學校清單,包括BC省、安省、艾省、薩省在內。 British Columbia (卑詩省) British Columbia Institute of TechnologyNorth Island CollegeNorthern Lights CollegeCamosun College Ontario (安大略省) Seneca CollegeLambton CollegeHumber

投資英國物業八大陷阱詳細版 教你如何避免誤墮騙局

唔少香港人隨住BNO移民熱潮投資英國物業,但係未必個個都懂得當中竅門。為免受騙,不如一齊了解下英國物業投資最常見嘅八個陷阱,了解騙子嘅手段,咪唔會咁容易誤墮陷阱,快快買到心水物業囉! 一手樓(樓花) 陷阱1️⃣ 誤買爛尾樓 隨住唔少港人用BNO移民英國,當地亦推出好多針對港人而設嘅一手apartment物業,但部分物業並未落成,可能需要承擔爛尾風險。最好就搵大型發展商,簽訂買賣合約前記得睇清楚條款限制! 陷阱2️⃣ 未必達至保證租金回報 部分一手樓銷售時會以保證租金回報招徠買家,甚至可以達至6-7厘回報。事實上,唔少發展商口中嘅包租都係搵承包商,或者發展商喺頭幾年自行補貼租金,之後係咪繼續收呢個租金就一定要睇清楚條款。 陷阱3️⃣ 一手樓溢價 一般而言一手樓比二手市場嘅物業會有兩成溢價左右,發展商新起好嘅樓對比二手樓,都會相對昂貴。買家都要預返幾年時間,放出二手市場先可以打個和走或者賺錢,咁中間嘅租金回報可以有幾多就好重要喇。 二手樓 陷阱1️⃣ 物業狀況貨不對辦 現時COVID-19疫情持續,部分時間買家買樓時只能揀線上睇盤或者由Sourcing Agent代勞,好有可能買咗與實際尺寸不符嘅物業,遇上唔可靠嘅業主/Agent,甚至會刻意隱瞞冇整修好嘅瑕疵,就有可能產生額外裝修開支,或者係未能達到理想租金。 陷阱2️⃣ Leasehold物業或產生昂貴地租 英國物業有分freehold (永久業權) 及leasehold (租賃業權) 物業,只有freehold物業先可以買埋塊地,leasehold只能購買到業權,更需要長期繳交地租,地租更是每年遞增,租金升幅未必可以補償得到。因此購買物業時,睇清楚物業業權非常重要。 陷阱3️⃣ 假冒業主虛假放盤