港人留澳工作及留學簽證獲延長 居留5年後可即拎PR?

澳洲政府延長港人嘅臨時工作簽證 (Temporary Skilled Visa) 及畢業生簽證至5年,更聲稱可以喺5年後提供申請永居嘅途徑。聽落好似好簡單,但係澳洲其實對申請永居仍然有一定要求,而針對港人嘅永居計劃細節仍然未出台,5年後係咪真係可以成功移民?似乎仲係未知之數。

如果想經澳洲呢個政策申請到澳洲5年簽證,你有兩個選擇,工作或留學。

工作簽證

臨時工作簽證 (Temporary Skill Shortage Visa, 482 Visa)
482簽證包括及中長期職位。只要你嘅工作資歷及申請職位符合澳洲技術職業列表 (Skilled Occupation List)中,就符合基本申請資格。

簽證類別需符合列表
短期工作簽證職位 (Short-term Stream)STSOL (短期技術職業列表)
中長期工作簽證職位
(Medium-term Stream)
MLTSSL (中長期技術職業列表)
ROL (偏遠地區職業列表)

除咗職業on list之外,當然你仲要符合以下要求:

  1. 滿足英語要求,IELTS 5.0分或以上;
  2. 累積至少兩年工作經驗,部分工種會要求申請者通過職業評估,評估會由你嘅行業相關機構負責。除咗夠工作經驗同埋熟練嘅技術外,以及相關專業資歷或牌照。留意返,喺香港適用嘅工作技能或資歷,澳洲當地認唔認可就係另一個故事喇!
  3. 獲得僱主擔保及提名。聘請你嘅僱主必須獲澳洲當局認可,有擔保資格,而且你嘅僱主亦都肯為你俾擔保費。

偏遠地區州擔保技術移民簽證 (Skilled Work Regional (Provisional) Visa, 491 Visa)
491簽證與482簽證嘅申請條件相似,同樣都要滿足英語、工作經驗要求,並獲得僱主擔保及提名。除此之外,仲要喺澳洲指定偏遠地區工作或者學習3年,每年都符合年薪要求 (澳幣$53,900),確保你嘅工種仍然喺緊缺職業名單上,就有機會轉換成191永居簽證。

畢業生簽證

臨時畢業生簽證 (Temporary Graduate Visa, 485 Visa)
喺澳洲院校就讀兩年或以上嘅全日制大學課程並畢業後,就可以申請485簽證,港人同樣可以喺澳洲逗留5年。申請人必需為50歲以下,一生只可以申請一次,需滿足一定英語要求。當你累積到3年工作經驗後,並且你嘅專業工種仲喺澳洲短缺行業名單裡面,就可以轉186永居簽證。

咁香港人可以喺澳洲留5年,感覺上好似容易咗拎到永居喎!事實又係咪咁美好呢?

香港人雖然可以憑住簽證喺澳洲留5年,但正如我哋喺開頭提及嘅,住5年後申請永居並唔係無條件拎PR,而要符合返原先簽證或永居簽證嘅要求,甚至可能有更多條件仲未公布,批核時間更加係未知之數。

澳洲呢個政策同英國BNO唔同,澳洲對香港人嘅態度係招攬人才,希望你哋對當地經濟及社會有貢獻,而唔會俾你隨隨便便申請PR,條件絕對唔會太過寬鬆,確保每個留低嘅人都係人才。

而且,澳洲每年都會重新檢視及微調移民政策,留喺當地5年嘅風險較高,更何況宜家由於疫情影響,將來變數就更大,你好難確保到你可以安穩咁打住工渡過嚟緊嘅5年。到最後有冇可能只係喺澳洲浪費咗5年光陰?值唔值得去,就要由大家自己評估風險喇。

Share:

Share on facebook
Share on whatsapp
Share on linkedin
Share on twitter
Share on google
Share on telegram
On Key

Related Posts

18-24/10 本週成交紀錄

本週成交紀錄是一個剛成交的樓盤,位於蘇格蘭East Ayrshire,恭喜梁先生二度成功收樓。今次的樓盤是千載難逢的荀盤,梁先生很幸運地成功成交,一起看看是次的樓盤有多荀吧!這間Cottage Flat位於蘇格蘭East Ayrshire,名為Cumnock的小鎮。

Immigration to Taiwan Application Conditions | Which is Your Best Plan? | JiaYu

移民台灣申請條件全面睇 邊種移民方案最適合你?

本週英國物業的成交紀錄又出爐了!客戶阮先生於6月底、7月初購買的大格拉斯哥荀盤,位於Wishaw的小鎮。事不宜遲,立即來參觀一下樓盤吧。這間Flat位於大格拉斯哥附近的North Lanarkshire的小鎮Newmains。Newmains多年前曾為蘇格蘭的工業重鎮,現已成為熱門住宅區。