港人熱話「走資」　比較各大英國銀行開離岸戶口收費

早前國安法實施後，唔少港人都對資產留喺香港產生憂慮，唔少人都萌生將資產調離香港嘅諗法；另外，港人以BNO移民英國彷彿如箭在弦，亦有一部分人士有實際需要，將現有嘅資產轉移到英國。喺呢幾個月，好多人都會討論到開離岸戶口、換外幣等，咁呢個係咪「走資」嘅最好方法呢？

開離岸戶口，可以選擇本港嘅外資銀行、或者直接選擇外國銀行開設戶口。而當中，一般又分為虛擬銀行同實體銀行。唔同銀行當然有利有弊啦，今日就先嚟以各大英國銀行為例，做一個簡單嘅比較啦～

英國各大銀行離岸戶口比較

當然啦，喺以上銀行開離岸戶口都唔支援港幣，需要用英鎊、歐羅、美元等外幣。某程度上都會有一定嘅匯率風險，呢樣就交由大家自己衡量返啦。

好多人都談論開離岸戶口好，具體到底有咩好處？

離岸戶口嘅好處

由於離岸戶口不受本國嘅外匯管制及政策影響，因此：

• 自由調撥資金
• 減低資產被凍結的風險
• 銀行賬戶類型更多，存款更靈活、彈性更高
• 附帶扣賬卡，可在全球各地使用ATM服務

成功開離岸戶口後，你就要準備將香港銀行戶口嘅資金轉移過去，大家就必須預計一筆額外費用以支付手續費、代理銀行費用等。 正如以上喺英國銀行開設離岸戶口一樣，唔少銀行都會設有最低存款額，否則可能就要支付最低結餘費或月費等。