fbpx

澳幣10萬移民澳洲?!詳談SBO技術移民申請要求及注意事項

近年來移民澳洲嘅移民門檻越來越高,尤其是競爭極大嘅技術移民,EOI分數越抽越高,冇返8、90分都好難雀屏中選。當然,想經技術移民去澳洲都並非毫無機會㗎!最近澳洲昆士蘭就推出咗一條新嘅移民通道,叫做491 Small Business Owners Pathway(SBO),聲稱可以用澳幣10萬就成功移民,到底係咪真?

目前澳洲共有三個州份推出SBO通道,分別為昆士蘭(Queensland)、南澳(South Australia)、及塔斯曼尼亞(Tasmania)。呢條移民通道屬於技術移民類別,即表示申請者必須符合以下各項基本要求:

  1. 申請者嘅職業喺以上三個州份嘅職業清單榜上有名
    不過每個州嘅職業清單會喺不同時間變動,想了解自己嘅職業喺唔喺清單上,歡迎聯絡我哋查詢。
  2. 成功通過Skill Assessment(即職業評估)
    當然要跟返申請者本身嘅職業進行評估,唔同職業嘅職業評估有唔同要求,特別係英文要求。
  3. 英語水平達IELTS 6.0或以上
  4. EOI達50分或以上

491技術移民簽證嘅邀請分數為65分,成功拎到州政府擔保加15分,因此本身申請者只需有50分就夠喇。

咦?咁要拎到州政府擔保又要符合咩條件呢?

  1. 買一盤位於偏遠地區的生意
    偏遠地區指昆士蘭州除布里斯本(Brisbane)以外嘅地區、以及南澳及塔斯曼尼亞全個州份。
  2. 買生意嘅價錢最低為澳幣10萬。
  3. 生意在你購買之前至少已運作1年以上。
  4. 申請491技術移民簽證前,至少經營生意6個月。
  5. 至少聘請1名澳洲居民(永久居民/公民),只需每周工作20小時。
  6. 須證明有足夠的能力經營這盤生意,州政府批出擔保時會考慮申請者的管理經驗、生意經驗、相關專業資格,以及你經營的生意於過去6個月的業績。
  7. 買入及持有該盤生意時需持有有效簽證,能夠喺澳洲合法地全職工作
    如果你剛剛完成喺澳洲學業拎埋485畢業生簽證就完美喇,可以有全職工作嘅權利。

聽落其實同投資移民有啲相似,接下來就同大家分享下需要注意嘅地方喇:

  1. 檢查清楚你嘅職業喺唔喺職業清單上,並確認能否順利通過職業評估
    唔肯定自己嘅職業係對唔對應到澳洲職業清單?即刻諮詢我哋嘅專業移民顧問啦!
  2. 計算清楚預算
    澳幣10萬只係購買生意嘅成本,但喺申請491技術移民簽證前,仲要經營呢盤生意至少六個月,記得計埋中間嘅經營成本,唔好令自己失預算。

到底呢個491 SBO移民通道點做先會有較高嘅機會率?最後等我為大家提供一啲實戰建議啦!

  1. 隨時準備好安排職業評估
    全世界都對澳洲移民配額虎視耽耽,全世界有決心移民澳洲嘅人,一開放州提名就即刻提交申請,如果你等開關先做評估就太遲,配額已經俾準備好嘅人搶晒。
  2. 下定決心全家一齊出發移民澳洲
    如果你真係好有決心移民,盡量唔好諗太空人計劃喇!現時用呢個移民方案去澳洲,全家人只需要住半年就申請到移民簽證,配偶會有全職工作嘅權利,另外子女又可以享有公立學校免費教育嘅權利,實在係一舉數得!
  3. 專業團隊極重要
    申請491 SBO簽證並唔係純技術移民或者投資移民咁簡單,而要喺偏遠地區精準地買啱生意,順利經營以及幫到當地就業市場,仲要取得簽證後三年都繼續滿足收入要求,需要一支專業本地團隊協助。專業團隊需要有完善嘅網絡搵到適合嘅生意賣家、熟悉本地營商環境及擁有商業經驗,對當地移民法規十分熟悉,先會令你嘅移民申請事半功倍。

家譽喺澳洲當地有合作嘅移民律師及會計師團隊,為當地註冊持牌嘅專業移民中介,有多年處理移民經驗,熟悉移民政策及法規,歷年來有多個成功個案。有興趣用呢個方法快速移民澳洲嘅朋友,歡迎按此處登記免費諮詢!

Share:

Share on facebook
Share on whatsapp
Share on linkedin
Share on twitter
Share on google
Share on telegram
On Key

Related Posts

31/05-05/06 本週出租紀錄

本周英國物業的出租紀錄為位於East Kilbride的一房Flat單位,當地社區設施完善,為蘇格蘭著名的市鎮,吸引了不少居民居住。恭喜黃小姐成功租出樓盤,由確認購買指示至收樓約用了兩個月時間。此樓盤租金回報率為12.6%。

加拿大港人救生艇計劃推出2條新永居途徑 港人年輕留加學生受惠

加拿大移民、難民與公民事務部長門迪奇諾 (Marco E. L. Mendicino) 日前宣布,為港人推出兩條新永居路徑,期望吸納更多年輕港人留學生留喺加拿大,為復甦加拿大經濟作出貢獻及努力。咁要行呢兩條路到底要滿足咩申請條件? 移民部部長表示,第一批香港人自150年前抵達加拿大後,一直為加國經濟作出貢獻。加拿大希望在港區國安法實施後,為港人提供支援,同時招攬更多年輕人才到加拿大。 加拿大早前已推出咗救生艇措施,睇返之前政策詳情即按👉🏻加拿大推出優惠港青年政策 抵加後符合條件可申永居 過去5年內於認可嘅高等教育機構完成高等教育學業,可申請長達三年嘅工作簽證,工作一年後可申請永居。 而新設立嘅通道已正式開放網上申請,申請截至2026年8月30日,除魁北克省以外所有省份均接受申請。基本申請要求如下: Stream A 過去3年內完成加拿大認可嘅高等教育機構所提供(實體或線上)嘅課程,並必須完成至少一半學習計劃。 Stream B 過去5年內於加拿大完成指定高等教育課程,並喺3年內於境內至少有1年全職工作經驗(或兼職工作經驗,共至少1,560小時)。 獲加拿大認可嘅高等教育課程包括以下各種: 學士、碩士或博士學位; 至少2年文憑課程; 至少1年研究生課程(該課程必須有學位或文憑要求,相關學位或文憑須在研究生課程開始前5年內獲取) 值得留意嘅係,透過呢兩條通道提交申請及取得永居時,必須處於加拿大境內並持有加拿大有效臨居身份,同時滿足語言、教育及工作要求。 另外,加拿大移民局到目前為止未推出全部計劃細節,例如年齡要求、工作類別要求等,仍要等待當局公布進一步詳情,先能夠確定畢業或工作後可否順利拎到永居簽證。 仲想深一步了解新政詳情,你到底合唔合資格申請?點做?即刻登記免費諮詢,等我哋嘅移民顧問為你解答疑難啦~ 家譽於2008年於香港成立,為具有豐富經驗及優良信譽的顧問公司,提供移民、留學、海外物業投資服務。我們團隊結合律師、會計師、法律公證等數十位專業服務人員,致力為客戶提供專業服務、詳細及客觀的分析,用心、細心地為你度身訂造方案。

台灣擬收緊港澳移民政策 永久居留條件將增至2-5年

自國安法出台,並落實愛國者治港及完善選舉制度後,台灣方面計劃檢討及修正「香港澳門居民進入台灣地區及居留定居許可辦法」,對港澳居民赴台居留、定居制度作出多項修訂,當中就包括延長取得定居資格須居留嘅年期,將會由1年延至2-5年!移民台灣嘅方案仲有咩修訂及更新? 根據台灣移民署統計,去年共有10,813位香港居民申請赴台居留許可(居留證),而申請定居者則有1,576人,同創下歷史新高。而今年1至3月,則有2,441位港人申請居留證、另有570位申請定居者,亦較去年同期大幅增加。 想了解台灣各種移民方案嘅申請資格、計劃詳情及入籍條件等,請即按此👉🏻移民台灣申請條件全面睇 邊種移民方案最適合你? 點解要修訂政策?台灣陸委會表示,因應香港現時情勢,期望透過更新政策,透過制度性的機制及力量,給予港人最實際的支持與協助,並爭取港澳優秀人才到台,以壯大台灣經濟發展。另外,台方認為現時港澳居民嘅居留及定居制度存在亂象,而且批出定居許可辦法過於寬鬆,希望透過今次修訂,喺為港人提供適切幫助嘅同時,兼顧台灣安全,調整現有移民政策,以妥善解決亂象。 港人現時多數以依親、或投資移民方式移民台灣,而台灣現時政策只須申請者喺台灣居留一年就可以獲取定居資格,再取得身份證、申請護照。台方人士接受《自由時報》訪問時指出現時批出嘅條件過於寬鬆,將增加一道「長期居留」程序,未來將會由居留1年,至居留2-5年後先可以申請定居。 而港人申請者嘅居留過程間,台灣政府可不停審視申請者嘅狀況,以確保國家安全,並且未來會強化居留及定居制度,防堵中方透過港人申請來台滲透。 不過,部分移民政策就仍對港澳人士十分寬鬆,當中包括港澳留學生畢業後喺台灣搵到工後,經過8項能力考核後可申請永居,未來政策或會再放寬,幫助更多港澳年輕人來台就學及就業,冀招攬35歲以下嘅優秀人才來台。 嚟緊台灣移民政策或者仲會有更多更新,記得繼續留言我哋嘅文章同埋影片! 以下嚟重溫下台灣投資移民嘅申請條件啦!