fbpx
Assessing Canada’s New DIY Immigration Policy | JiaYu

評估加拿大新移民政策 DIY移民成數有幾高 ?!

眾所周知,加拿大政府推出面對港人嘅優惠政策,包括5年內大學畢業嘅香港青年可申請工作簽證、於加拿大畢業嘅留學生可直接申請永居等,令港人多一個移民選擇。有唔少人都希望以呢個新政策移民加拿大,打算DIY移民係咪真係咁易?新政策又有幾筍?

加拿大針對港人嘅新移民政策將於明年1月底公布更多細節,考慮去唔去、用咩方案去之前不如細讀呢篇文章先再作決定啦!

移民新政策要點

  1. 於世界各地受認可嘅大專院校就讀專上教育或以上學業,並在過去五年內畢業,可提供予港人申請長達三年嘅工作簽證(Open Work Permit);
  2. 過去三年內於認可加拿大大專院校嘅港人,完成專上教育或以上學業;
  3. 過去三年內,至少於加拿大工作一年嘅港人,滿足一定英語水平;
  4. 加快審批港人申請永居嘅速度,包括家庭簽證;
  5. 豁免申請簽證失敗後需等待一年才可重新申請的規定。

由以上嘅政策要點中,我哋可從中睇到加拿大今次政策嘅目標,為咗吸納年輕人才到加作長遠發展,及為當地就業市場貢獻技術及勞動力,建設及修復疫情下受重創的經濟。

雖然聽落十分筍,擁有大學學歷嘅職場新鮮人就可以申請,不過當中都有啲細節位值得留意!

語言要求
加拿大官方新聞稿明確指出,近5年嘅大學畢業畢業生申請永居前,都需要符合基本語言及教育程度要求,而相關要求仍未公布。

我哋用以往移民嘅官方要求推測,英語要求應為IELTS 6.0、或加拿大官方接納嘅CLB Level 6,或同等程度。暫時未知道加拿大移民局會接納邊啲英語水平測試成績,不過為求穩陣當然係考返IELTS啦!由宜家開始準備就差唔多喇。

教育程度要求
申請所有加拿大簽證前,都需要通過WES(World Education Services)學歷認證,確認你嘅學位獲當局認可,一啲國際認受性較低嘅涵接學位(Top-up Degree)、副學士學位(Associate Degree)等,就未知能否通過測試喇!建議大家可以先做學歷認證,現時我哋推出優惠價港幣$2,880,全程幫你完成認證過程,一早做好準備,出年就可以快人一步出發加拿大啦!有意申請嘅朋友可即Click Link留資料!

年齡要求
加拿大政府發布嘅消息中,提及咗今次政策主要吸引學生及年輕人(Students and youth)赴加,咁年輕人嘅定義又係咩呢?

我哋參考技術移民計分表中年齡一欄,及綜合其他因素考慮,估計加拿大政府會將年齡設定喺35歲或以下,以確保移居者可提供足夠勞動力及技術,可為加拿大經濟作出長遠貢獻,減低申請者拎福利嘅機會。

以上分析嘅幾項要點都指向同一個結論:加拿大今次移民政策更新,主要為年輕、教育程度高嘅港人提供逃生門,並吸納佢哋到加拿大協助發展經濟。

針對政策第二點,唔少港人都考慮緊去加拿大讀返個大專/大學課程,畢業後就可直接申請永居。咁呢條路又行唔行得通呢?

即使官方數據並沒有列出成功申請留學簽證(Study Permit)嘅年齡,但根據加拿大移民合作方多年經驗,40歲以上人士申請留學簽證會較難,因為政府認為你用呢個簽證移民嘅意圖較強,或須提交較多解釋文件,成功率亦較低。

另外,即使成功申請學簽,更喺加拿大完成學業,亦唔代表加拿大會批核你嘅永居申請。估計將會有大量港人利用新政策移居加拿大,當中對香港未來失去信心嘅年青人應不在少數。目前政府嘅批核因素及成功率未明,年齡亦係其中一個重要考慮因素時,中年人成功嘅機會率驟降。

當然,天無絕人之路!加拿大出名移民途徑多,有冇考慮以僱主擔保形式行省提名或Express Entry,一樣可以以18-24個月時間拎到永居!

最新一輪於12月9日嘅Express Entry邀請分數(Express Entry rounds of invitations – Government of Canada

最近一次嘅加拿大Express Entry邀請分數線落喺469分上,基本上CRS分數憑個人技能及工作經驗、語言水平等難以到達呢個水平。但如果你有加拿大LMIA僱主擔保,可以加到高達200分,大大增加咗成功被邀嘅機率。

如果你仲未夠分,可以用省提名方式再加600分,咁就幾乎可以肯定被邀啦!我哋提供大量工作配對,想知更多詳情,快啲聯絡我哋喇!

Established in Hong Kong in 2008, Jiayu is a consulting firm with rich experience and excellent reputation for providing immigration, study abroad and overseas property investment services. Our team combines lawyers, accountants, legal notarization and dozens of professional services staff, is committed to providing customers with professional services, detailed and objective analysis, attentively and carefully tailor-made for you.

Share:

Share on facebook
Share on whatsapp
Share on linkedin
Share on twitter
Share on google
Share on telegram
On Key

Related Posts

18-24/07 本週出租紀錄

本周英國物業的出租紀錄為位於East Kilbride的一房Flat單位,當地社區設施完善,為蘇格蘭著名的市鎮,吸引了不少居民居住。恭喜黃小姐成功租出樓盤,由確認購買指示至收樓約用了兩個月時間。此樓盤租金回報率為12.6%。

永居同入籍有咩分別?申請PR要坐幾耐移民監?

經常會有唔同嘅朋友問,成功移民嘅定義係咩?時常聽到嘅永居即係咩意思?同入籍又有咩分別?喺移民公司嘅角度睇,其實當一個人或者一個家庭成功取得永居身份後,就已經等於移民。跟住不如即刻睇下永居同入籍嘅分別,以及唔同國家對永居年期嘅要求啦! 永居 VS 入籍 永居即擁有在某國合法居住、工作、讀書、自由出入境嘅權利等,同時為當地稅務居民,可以享有不同福利及津貼,例如醫療、房屋、借貸等。 而入籍代表你正式成為該國公民,亦有可能要放棄原有國籍(視乎移民國家接唔接納雙重國籍)。入籍後同永居身份最大嘅分別就係是否擁有投票權、選舉及被選舉權,以及申請政府、公共機構的工作嘅權利。 永居 入籍 居住權 ✓ ✓ 工作、讀書權 ✓ ✓ 自由出入境 ✓ ✓ 申請福利或津貼權 ✓ ✓ 投票權 ✓ 選舉及被選舉權 ✓ 申請政府、公共機構權利

04-10/07 本週出租紀錄

本周英國物業的出租紀錄為位於East Kilbride的一房Flat單位,當地社區設施完善,為蘇格蘭著名的市鎮,吸引了不少居民居住。恭喜黃小姐成功租出樓盤,由確認購買指示至收樓約用了兩個月時間。此樓盤租金回報率為12.6%。